کیا مسلمان کے لیے جائز ہے "Merry Christmas" کہنا؟
غیرمسلموں کے مذہبی تہواروں کے موقع پران کو مبارک باد دینے کے بارے میں شرعی حکم یہ ہے کہ چوں کہ یہ تہوار مشرکانہ اعتقادات پرمبنی ہوتے ہیں اورمسلمان ہونے کی حیثیت سے ہمارے لیے شرک سے برأت اوربے تعلقی کااظہارضرروی ہے، کرسمس کی مبارک باد دینا گویا ان کے نقطۂ نظرکی تائید ہے؛ اس لیے کرسمس کی مبارک باد دینا جائزنہیں۔اگر اس سے ان کی دین کی تعظیم مقصود ہو تو کفر کا اندیشہ ہے۔ اور اگرکرسمس کے موقع پر صراحتاً کوئی شرکیہ جملہ بول دے تو اس کے شرک ہونے میں تو کوئی شک نہیں ہوگا۔ اگر ان کے دین کی تعظیم بھی نہ ہو، اور کوئی شرکیہ جملہ نہ ہو تب بھی کرسمس کی مباک باد دینا جائز نہیں ہے۔ فقط واللہ اعلم
فتوی نمبر : 144104200701
دارالافتاء : جامعہ علوم اسلامیہ علامہ محمد یوسف بنوری ٹاؤن