سوال

میزان انویسٹمنٹ میں نوکری کرنا درست؟ کام کی نوعیت یہ ہے کے جن اشیاء پر پیسہ انویسٹ کیا جاتا ہے اس میں سودی عناصر کو ختم کیا جائے اور اسلامی شریعت کے مطابق انویسٹمنٹ کی جائے!

جواب

سوال میں میزان انویسٹمنٹ سے اگر میزان بینک کی معاونت سے چلنے والا ادارہ  "المیزان انویسٹمنٹ مینیجمنٹ لمیٹڈ" ہے تو واضح رہے کہ ’’میزان بینک‘‘ سمیت  مروجہ اسلامی بینکوں میں سے کسی بھی بینک میں نوکری کرنا ناجائز ہے؛ کیوں کہ روایتی بینک کے جو معاملات ناجائز ہیں، (مثلاً: اس میں نوکری کرنا) مروجہ اسلامی بینکوں  کے بھی وہ معاملات ناجائز ہیں اور  جو   حیلے ان معاملات کو جواز کے دائرے میں لانے کے لیے اختیار کیے گئے ہیں، فقہی و اصولی طور پر وہ قابلِ اشکال بھی ہیں؛  لہذا ایسے معاملات سے اجتناب لازم ہے۔

تفصیل کے لیے دیکھیے:  "مروجہ اسلامی بینکاری"  از رفقائے دارالافتاء جامعہ علوم اسلامیہ بنوری ٹاؤن ، مطبوعہ مکتبہ بینات۔  فقط واللہ اعلم