سوال

کیا میزان بینک میں مضاربہ اکاؤنٹ میں رقم جمع کروا کر حاصل ہونے والا منافع جائز اور حلال ہے؟ رہنمائی فرمائیں.

جواب

واضح رہے کہ میزان بینک اور دیگر  مروجہ اسلامی بینکوں کے معاملات (مروجہ مضاربت، شرکت،مرابحہ وغیرہ) میں  شرعی تقاضے پورا نہ کرنے کی وجہ سے ناجائز  ہیں  اور ان معاملات سے حاصل ہونے والے منافع  حلال نہیں ہیں۔  لہذا   اگر کسی نے میزان بینک میں مضاربہ اکاؤنٹ کھولا ہو تو وہ شرعًا اس اکاؤنٹ سےصرف اپنے اصل سرمائے کے بقدر وصول کرنے کا حق دار  ہے،  اس پر  بینک سےمنافع وصول کرنا جائز نہیں، نیز  بینک سےایسےعقد کو ہی ختم کردینا چاہیے، یاتو  اکاؤنٹ ختم کردے یا کرنٹ اکاؤنٹ میں تبدیل کردے۔

مزید تفصیل کے لیے ہماری جامعہ کی کتاب "مروجہ اسلامی بینکاری" کا مطالعہ کریں۔

فقط واللہ اعلم