سوال

میری بڑی بہن کا انتقال ہوا  ،ورثاء میں شوہر، ایک بھائی اور پانچ بہنیں ہیں ،اپنی اولاد کوئی نہیں تھی ، شوہر کی  دوسری بیوی سے دو بیٹے اور ایک بیٹی ہیں۔

میری بہن کے ورثاءکون کون ہیں؟ اور میراث کس طرح تقسیم ہوگی؟

جواب

صورتِ مسئو لہ   میں مرحومہ کی میراث اس کے ورثاء میں تقسیم کرنے  کاشرعی طریقہ یہ ہےکہ سب سے پہلے اگر مرحومہ  کے ذمہ کسی کا  قرض  ہو تو وہ ادا کیا جائے ، اس  کے بعد اگرمرحومہ نے کوئی جائزوصیت کی ہو تو  باقی مال کے ایک تہائی مال میں اس کو نافذ کیاجائے،باقی کل جائیداد منقولہ وغیر منقولہ  14 حصے بناکر  شوہر کو  7 حصے ،بھائی کو 2 حصے اور ہر  ایک بہن کو ایک ایک حصہ ملے گا۔

صورتِ تقسیم یہ ہے:

میت:14/2

یعنی 100 روپے میں سے شوہر کو 50 روپے ،بھائی کو14.285 روپے اور ہر ایک بہن کو  7.142 روپے ملیں گے۔

شوہر کی   دوسری بیوی سے جو  اولاد ہے ان  کا  سائل کی بہن یعنی اپنی سوتیلی والدہ کی میراث میں  شرعاً کوئی حصہ  نہیں ہے۔

فقط واللہ اعلم