سوال

جائیداد کی تقسیم  کا سوال ہے، ٣حصّے ہیں، ٢حصّے ایک بھائی کے ہیں،  اور ایک حصّہ دوسرے بھائی کا ہے۔ ایک حصّہ جس بھائی کا ہے اس کا انتقال ہوگیا ہے اور اس کی بیوی اور ایک بیٹی ہے، تقسیم کیسے ہوگی؟

جواب

جس بھائی کا انتقال ہوا ہے، اگر اس کے والدین اور اس ایک بھائی کے علاوہ کوئی بھائی بہن  نہیں ہیں، تو  بیوہ کو 12 اعشاریہ 50 فیصد،  پچاس فیصد بیٹی کو اور بقیہ اس کے زندہ بھائی کو بطور وراثت ملے گا۔

اگر مرحوم کے والدین یا دیگر بھائی بھی حیات ہیں تو تقسیم میں فرق ہوگا، اس صورت میں وضاحت کرکے جواب حاصل کرلیا جائے۔ فقط واللہ اعلم