سوال

میڈیسن کھا کر حیض لائیں تو عدت پوری ہوجائے گی ، بھلے وہ اس کے حیض کے مقررہ ٹائم  سے الگ ٹائم پر آئے؟

جواب

واضح رہے جس عورت کو ماہواری  آتی ہے ( یعنی وہ چھوٹی بچی نو سال سے کم عمر والی  یا بہت بوڑھی عورت نہیں ہے) اس کی طلاق کی عدت مکمل تین ماہواریاں ہیں (اگر حمل نہ ہو)،   عورت جب تیسری ماہواری سے پاک ہوگی،  تب اس کی عدت ختم ہوجائی گی، بہرحال اگر کم از کم تین دن حیض  آگیا تو دواؤں کے ذریعے ہی سہی،  لیکن تین ماہواری  گزرنے سے عدت مکمل ہوجائے گی۔

الدر المختار میں  ہے:

"وهي في حق حرة تحيض لطلاق بعد الدخول حقيقةً أو حكمًا ثلاث حيض كوامل و العدة في حق من لم تحض لصغر بأن لم تبلغ تسعًا بأن ثلاثة أشهر بالأهلة لو في الغرة و إلا فبالأيام.و في حق الحامل وضع جميع حملها."

(الدرالمختار، کتاب الطلاق، باب العدۃ، ج:3، ص:504،  ط:دارالفکر بیروت)

فقط واللہ اعلم