سوال

 ایک بندے کے ایک لڑکی کے ساتھ ناجائز تعلقات تھے ،پھر اس لڑکی کی کہیں اور شادی ہوگئی  اور اس کے بعد اس بندے نے اسی لڑکی کی چھوٹی بہن سے نکاح کر لیا، کیا یہ نکاح ٹھیک ہوگا ؟

جواب

ناجائزتعلقات اوربدکاری چوں کہ شریعت کی نگاہ میں نہایت قبیح عمل اور گناہِ  کبیرہ ہے، لہٰذاجو گناہ ہواہے، اس پر سچےدل سے توبہ اوراستغفار لازم ہے۔

صورتِ مسئولہ میں مذکورہ لڑکےکامذکورہ لڑکی(جس کےساتھ اس کےناجائز تعلقات تھے)کی بہن سےنکاح درست ہے،البتہ نکاح کے بعد بیوی سے صحبت وقربت کی اجازت اس وقت ہوگی جب آخری مرتبہ ناجائزتعلقات قائم کرنے کے بعداس لڑکی (وہ بہن جس سے ناجائز تعلق قائم کیاہے) کو کم از کم ایک مرتبہ حیض(ماہواری) آچکی ہو،جب تک وہ ایک حیض (ماہواری)نہیں گزار لیتی، تب تک اس کی بہن سے صحبت کی اجازت نہیں ہوگی۔

فتاوی شامی میں ہے:

" وفي الخلاصة: وطئ أخت امرأته لا تحرم عليه امرأته".

" (قوله: وفي الخلاصة إلخ) هذا محترز التقييد بالأصول والفروع، وقوله: لا يحرم أي لا تثبت حرمة المصاهرة، فالمعنى: لا تحرم حرمة مؤبدة، وإلا فتحرم إلى انقضاء عدة الموطوءة لو بشبهة، قال في البحر: لو وطئ أخت امرأة بشبهة تحرم امرأته ما لم تنقض عدة ذات الشبهة، وفي الدراية عن الكامل لو زنى بإحدى الأختين لا يقرب الأخرى حتى تحيض الأخرى حيضة".

(کتاب النکاح ،فصل فی المحرمات ، 34/2، ط:ایچ ایم سعید)

فقط واللہ اعلم