میت کے اوپر جو کلمے والی چادر ڈالی جاتی ہے اس کا شرعی حکم۔ بیان فرما دیں۔
جس کپڑے پر کلمہ طیبہ یا قرآن کریم کی آیات لکھی ہوئی ہوں اسے میت پر ڈالنایا کفن میں شامل کرنا جائز نہیں،اس سے کلمہ طیبہ اور آیات مبارکہ کی بے حرمتی ہوتی ہے۔ لہٰذا میت کی چارپائی پر سادہ چادر ڈالنی چاہیے۔
البتہ بغیر سیاہی کے صرف انگلی کے ساتھ میت کے چہرے یا سینے پر کوئی آیت یا کلمہ لکھنے کی گنجائش ہے بشرطیکہ اس کو مسنون یا ضروری نہ سمجھا جائے۔(احکامِ میت 369،ادارۃ الفاروق) فقط واللہ اعلم
فتوی نمبر : 144112201381
دارالافتاء : جامعہ علوم اسلامیہ علامہ محمد یوسف بنوری ٹاؤن