میت کو غسل دینے کی اجرت لینا کیسا ہے؟
میت کو غسل دینے کی اجرت نہ لینا بہتر ہے، البتہ اگر کوئی شخص غسل کی اجرت لینا چاہتا ہے تو لے سکتا ہے، بشرطیکہ اس کے علاوہ دیگر افراد غسل دینا جانتے ہوں، اگر اس کے علاوہ کوئی دوسرا شخص غسل دینا نہ جانتا ہو تو ایسی صورت میں چوں کہ غسل دینا اِسی کے ذمہ لازم ہے تو اس کے لیے اجرت لینا درست نہیں ہوگا۔
الدر المختار وحاشية ابن عابدين (رد المحتار) (2/ 199):
"(و الأفضل أن يغسل) الميت (مجانًا، فإن ابتغى الغاسل الأجر جاز إن كان ثمة غيره وإلا لا) لتعينه عليه."
فقط واللہ اعلم
فتوی نمبر : 144212202269
دارالافتاء : جامعہ علوم اسلامیہ علامہ محمد یوسف بنوری ٹاؤن