سوال

میت کے سر کے بال اگر کسی نے چھو لیے تو اس چھونے والے آدمی کی طہارت باقی رہے گی یا نہیں؟ 

جواب

میت کے سر کے بال یا جسم کا کوئی بھی حصہ چھونے سے چھونے والے کی طہارت پر کوئی فرق نہیں پڑتا ہے، بشرطیکہ میت کے جسم کے اس چھوئے جانے والے حصہ پر کوئی ظاہری نجاست نہ ہو۔ اگر کوئی ظاہری نجاست لگی ہو اور وہ چھولی تو جسم کے جس حصے پر وہ نجاست لگی ہے، (مثلاً: ہاتھ) صرف اسے پاک کرنا کافی ہوگا، پورے وضو یا غسل کی ضرورت نہیں ہوگی۔ فقط واللہ اعلم