سوال

میت کو کھلے آسمان تلے چھت پر نہلانا کیسا ہے؟

جواب

کسی مرد میت کو  بھی ایسی جگہ نہلانا چاہیے جہاں اور لوگوں کی نگاہ میت پر نہ پڑے، اگر اس کا بدن ظاہر ہو یا کسی صورت میں اگر ستر ظاہر ہو جائے  تو کسی کی نگاہ نہ پڑے۔ (ہندیہ : 1/158)

لہذا  اگر  چھت کے نیچے کوئی ایسی جگہ نہ ہو تو میت کو کھلے آسمان تلے چھت پر نہلانا بھی جائز ہے، بشرطیکہ ستر کے ڈھانکنے کا مکمل انتظام موجو دہو، مثلاً: چھت پر چہار دیواری ہو ، یا چادر، کپڑے وغیرہ سے پردہ کرلیا جائے اور  پانی کی نکاسی کا صحیح انتظام موجود ہو۔ فقط واللہ اعلم