سوال

اگر چاچا  کی وفات ہوجائے اور  اس کی اولاد نہ ہو اور نہ والد ہو مگر ایک بھائی ہو اور ایک بھائی فوت شدہ ہو  اور اس فوت شدہ بھائی کے بچے ہوں تو کیا ان بچوں کو میراث ملے گی؟

جواب

صورت مسئولہ میں اگر میت کے انتقال کے وقت اس کے والد حیات نہ ہوں،  اس کی اولاد بھی نہ ہو ،   اس  کا ایک بھائی زندہ ہو اور فوت شدہ بھائی کی اولاد  (بھتیجے ؍ بھتیجیاں)ہوں  تو زندہ بھائی کو میراث میں حصہ ملے گا اور فوت شدہ بھائی کے بیٹے محجوب ہوں گے (یعنی ان کو حصہ نہیں ملے گا)۔

فتاوی شامی میں ہے:

"(و) الثاني (أن من أدلى بشخص لا يرث معه) كابن الابن لا يرث مع الابن "

(كتاب الفرائض، فصل في العصبات، ج6، ص780، سعيد)

فقط والله أعلم