سوال

ایسی اشیاء جو عوام و علاقہ   مکین  کی ضرورت کی ہوں جیسے میت کو غسل دینے والا تختہ،میت اٹھانے والی چارپائی وغیرہ ان اشیاء کو مساجد میں رکھنے کا شرعاً کیا حکم ہوگا؟

جواب

صورتِ  مسئولہ میں مذکورہ اشیاء مضافاتِ  مسجد  میں رکھ  سکتے ہیں، (یعنی شرعی مسجد کی حدود سے باہر، گو مسجد کی وقف زمین کے احاطے میں ہوں)  مذکورہ اشیاء  چوں کہ عمومًا  وقف  ہوتی ہیں، لہذا ضروت کے وقت استعمال کرنے کے بعد  جہاں سے لی گئی ہوں، اسی جگہ  واپس پہنچانے کا اہتمام  کرنا چاہیے۔  فقط واللہ اعلم