کیا مسجد کے مال پر،مدرسہ کے یا قومی کمیٹی کے مال پر زکوٰۃ ہے؟
صورتِ مسئولہ میں جو رقم چندہ یا عطیہ کے طور پر کسی کارِ خیر میں دی جاتی ہے وہ چندہ یا عطیہ دینے والوں کی ملکیت سے خارج ہوجاتی ہے اور لہذا اس رقم پر زکوۃ واجب نہیں ہوگی۔
فتاوی شامی ميں ہے:
"(وسببه) أي سبب افتراضها (ملك نصاب حولي) نسبة للحول لحولانه عليه (تام) ۔۔۔۔۔۔۔ فلا زكاة في سوائم الوقف والخيل المسبلة لعدم الملك."
(كتاب الزكوة، 259/2/ سعيد)
فتاویٰ محمودیہ میں ہے:
"سوال:اگر کسی مسجد یا مدرسہ کی رقم نصاب کو پہنچ گئی، سال بھر گزرنے کے بعد اس پر زکوۃ واجب ہو گی یا نہیں؟
جواب: مدرسہ یا مسجد کے پاس جب رقم بقدرِ نصاب ہو تو اس میں زکوۃ لازم نہیں۔"
(کتاب الزکوۃ، باب وجوب الزکوۃ، 326/9 ط: فاروقیہ)
فقط والله اعلم
فتوی نمبر : 144309101179
دارالافتاء : جامعہ علوم اسلامیہ علامہ محمد یوسف بنوری ٹاؤن