سوال

مسجد میں میت کو اٹھانے کے لیے جو ڈولی رکھی ہوتی ہے اس ڈولی پر غیر مسلم میت کو اٹھانا جائز ہے؟

جواب

مساجد میں میت کو اٹھانے کے لیے جو تختہ / ڈولی رکھی ہوتی ہے   ،وہ مسلمان میت کے اٹھانے  کی غرض سے  وقف ہوتی ہے ،لہذا اس ڈولی کا غیر مسلم میت کے اٹھانے کے لیے  استعمال کرنا درست نہیں ۔

فتاوی شامی میں ہے:

"شرط الواقف كنص الشارع أي في المفهوم والدلالةووجوب العمل به."

(كتاب الوقف.مطلب استأجر دارا فيها أشجار.4/ 433ط:سعيد)

’’آپ کے مسائل اور ان کاحل ‘‘ میں ہے:

ــ’’مسجد کی دیگر اشیاء کی طرح یہ میت چارپائی  بھی مسجد کے لیے وقف ہے اور اس کا مصرف صرف اور صرف مسلمان میت ہی ہے ، جس طرح مسجد مسلمانوں کی عبادت کے لیے ہے ،اسی طرح متعلقہ اشیاء  کا مصرف بھی مسلمان ہی ہیں ۔اس کے علاوہ وقف کرنے  والے کی نیت بھی یہی ہوتی ہے کہ اسے مسلمان استعمال کریں ،ا س لیے کسی غیر مسلم کے استعمال کے لیے جنازے کی چار پائی  دینا ہی جائز نہیں ہے ۔ــ‘‘

(ج:۴ ،ص:۳۹۷ ؛ط:مکتبہ لدھیانوی )

فقط والله أعلم