سوال

مسجد کے ہال کے درمیان پلر آنے کی وجہ سے وہاں صف بنانے میں کوئی  کراہت تو نہیں ہے؟

جواب

اگر مسجد میں صف بندی کرتے وقت درمیان میں ستون آ جائے تو اس سے نماز میں کوئی کراہت نہیں آتی، ہاں! اگر صف کے انقطاع سے بچنے کے لیے کوئی مقتدی ستون کے آگے کھڑا ہو جائے جس کی وجہ سے وہ صف سے باہر نکل جائے تو ایسا کرنا درست نہیں اور یہ مکروہ ہو گا۔ (مسجد، فتاوی محمودیہ، جلد 6، صفحہ 483)

المبسوط للسرخسي (2/ 35):
والاصطفاف بين الأسطوانتين غير مكروه؛ لأنه صف في حق كل فريق وإن لم يكن طويلاً وتخلل الأسطوانة بين الصف كتخلل متاع موضوع أو كفرجة بين رجلين وذلك لايمنع صحة الاقتداء ولايوجب الكراهة.

فقط واللہ اعلم