سوال

 مساجد میں نعتوں کی شوٹنگ کرنا اور ادا کاری کرنا جب کہ نعت میں ساؤنڈ بھی ہو،  کیسا ہے؟ اس طرح کرنا درست ہے؟

جواب

دینِ اسلام  میں تصویر کشی کو   حرام  قرار دیا گیا  ہے، خواہ وہ  ڈیجیٹل ہو یا غیر ڈیجیٹل، اس لیے اولاً تو ایسی شوٹنگ جس میں انسان یا دیگر جانداروں کی تصویر بنائی جائے، ناجائز اور حرام ہے۔

پھر  مسجد جیسی مقدس جگہ پر اس قبیح عمل کی قباحت اور بھی زیادہ بڑھ جاتی ہے، مساجد کی بنا  کا منشا اعمالِ صالحہ کا قیام اور دین کا اِحیا ہے، نہ یہ کہ مساجد میں معاصی کا ارتکاب کیا جائے، اس لیے مسجد میں شوٹنگ کرنے سے  مسجد  کی بے حرمتی ہوتی  ہے، لہذا شوٹنگ کے لیے مساجد کا استعمال کسی طرح درست نہیں۔ فقط واللہ اعلم