سوال

کیا مسجد کی چھت پر بلا عذر نماز جنازہ پڑھنا جائز ہے یا نہیں؟

جواب

بصورتِ مسئولہ مسجد کی چھت کا وہی حکم ہے جو مسجد کا حکم ہے، لہذا جیسے مسجد میں بلاعذر جنازے کی نماز پڑھنا مکروہ ہے اسی طرح مسجد کے چھت پر بھی جنازے کی نماز پڑھنا مکروہ ہے۔

فتاوی شامی میں ہے:

"وسطح المسجد له حكم المسجد، فهو كاقتدائه في جوف المسجد إذا كان لايشتبه عليه حال الإمام."

(باب الإمامة، ج:1، ص:587، ط:ايج ايم سعيد)

المحیط البرہانی میں ہے:

"وانما يكره الصلوة على الجنازة فى المسجد الجامع و مسجد الحي عندنا."

(كتاب الصلوة، الفصل الثاني والثلاثون، ج:3، ص:108، ط:المجلس العلمى)

فقط والله اعلم