امامِ مسجد کو بیٹی کی پیدائش پر مسجد کے فنڈ سے کچھ دینا کیسا ہے؟
مسجد میں اگر اس امام اور مؤذن کی مدد وغیرہ کے لیے الگ سے فنڈ قائم ہو تو اس میں امام کا تعاون کیا جاسکتا ہے، باقی مسجد کے عمومی چندہ سے یہ تعاون اس وقت درست ہوگا جب چندہ لیتے وقت اس بات کی وضاحت کی گئی ہو کہ یہ رقم ملازمین کی امداد میں بھی استعمال ہوگی، یا مسجد انتظامیہ نے باہمی اتفاق سے اس سلسلے میں ضابطہ بنایا ہوا ہو کہ اس طرح کے ضرورت کے مواقع پر متعین امداد کی جائے گی، ورنہ نہیں۔
الدر المختار وحاشية ابن عابدين (رد المحتار) (4/ 435):
"يس للقاضي أن يقرر وظيفة في الوقف بغير شرط الواقف، ولا يحل للمقرر الأخذ إلا النظر على الواقف بأجر مثله، قنية.
(قوله: ليس للقاضي أن يقرر وظيفة في الوقف إلخ) يعني وظيفة حادثة لم يشرطها الواقف أما لو قرر في وظيفة مشروطة جاز إلا إذا شرط الواقف التقرير للمتولي كما قدمناه عن الخيرية وقال الخير الرملي في حاشية البحر". فقط والله أعلم
فتوی نمبر : 144108201605
دارالافتاء : جامعہ علوم اسلامیہ علامہ محمد یوسف بنوری ٹاؤن
