مسجد کے دروازے پر حقہ کے بنانے کا شرعی حکم کیا ہے؟
مسجد کے دروازہ پر حقہ بنانے سے مراد اگر یہ ہو کہ مسجد کے دروازےپر حقہ کی دکان ہو اور وہاں حقہ کے آلات بنائے جائیں تو شرعاً یہ جائز ہے، اور اگر یہ مقصد ہو کہ مسجد کے دروازے کے پاس حقہ بناکر پیا جائے جس کا دھواں اور بدبو مسجد میں آئے تو یہ مکروہ ہے، مساجد اللہ تعالیٰ کے گھر ہیں، اور ان میں فرشتے ہوتے ہیں، جنہیں بدبو سے تکلیف ہوتی ہے، اس لیے اس کے قریب بدبو دار چیز کے استعمال سے اجتناب کرنا چاہیے۔فقط واللہ اعلم
فتوی نمبر : 144107201075
دارالافتاء : جامعہ علوم اسلامیہ علامہ محمد یوسف بنوری ٹاؤن