ہمارے علاقے میں شادی بیاہ کی دعوت کے لیے لوگوں کو مسجد اسپیکر پر بلایا جاتا ہے تو شرعًا ایسا کرنا ٹھیک ہے یا نہیں ؟
مسجد کا اسپیکر اذان و اقامت، نماز اور مسجد میں وعظ و نصیحت کے لیے ہوتا ہے، اس لیے مسجد کے اسپیکر کے ذریعہ لوگوں کو اپنی ذاتی تقریبات کی دعوت دینا وقف کی شرائط کی خلاف ورزی پر مشتمل ہونے کی وجہ سے جائز نہیں ہے۔
ملحوظ رہے کہ مسجد کے اسپیکر سے نمازِ جنازہ کے اعلان، اور انسانی جان کی حرمت کی خاطر گم شدہ بچے کے لیے اعلان کی اجازت ہے، اسی طرح مسجد کے اندر ملنے والی چیز کا اعلان مسجد کے اندر موجود لوگوں کے لیے کرنے کی گنجائش ہے۔ فقط واللہ اعلم
فتوی نمبر : 144109203094
دارالافتاء : جامعہ علوم اسلامیہ علامہ محمد یوسف بنوری ٹاؤن