کیا فرماتے ہیں مفتیانِ کرام اس مسئلہ کے بارے میں کہ مسجد کا چندہ مسجد میں کام کرنے والوں مزدوروں کے لیے کھانے وغیرہ میں استعمال کرسکتے ہیں یا نہیں؟
مسجد کے عمومی چندے کو مسجد میں کام کرنے والوں مزدوروں کے لیے کھانا وغیرہ میں استعمال کرنا جائز نہیں، کیوں کہ چندہ دینے والے یہ چندہ مسجد کے لیے دیتے ہیں، مسجد میں کام کرنے والے مزدوروں کو کھانا کھلانے کے لیے نہیں، تاہم اگر مسجد کی تعمیرات کے لیے چندہ لیتے وقت اس کی وضاحت کردی جائے یا مزدوروں کو کھانا کھلانے کے لیے الگ سے انتظام کرلیا جائے تو اس کی گنجائش ہے۔
"قولهم: شرط الواقف كنص الشارع أي في المفهوم والدلالة". (الدر المختار وحاشية ابن عابدين، كتاب الوقف 4 / 433 ط: سعید) فقط واللہ اعلم
فتوی نمبر : 144108200790
دارالافتاء : جامعہ علوم اسلامیہ علامہ محمد یوسف بنوری ٹاؤن
