سوال

مسجد صغیر اور مسجد کبیر میں کیا فرق ہے؟ لمبائی اور  چوڑائی کتنی فٹ ہے؟ برائے کرم تفصیل سے بتائیں ۔

جواب

جو مسجد   چالیس شرعی گز لمبی اور چالیس شرعی گز چوڑی  ہو وہ مسجدِ کبیر ہےاور جو اس سے کم ہو وہ مسجد ِصغیر ہے ۔ ایک شرعی گز ڈیڑھ فٹ (اٹھارہ انچ) کا ہوتا ہے، اس حساب سے مسجدِ کبیر وہ ہو گی جو ساٹھ فٹ لمبی اور ساٹھ فٹ چوڑی ہو۔

وفي حاشية ابن عابدين :

"ثم رأيت في حاشية المدني عن جواهر الفتاوى أن قاضي خان سئل عن ذلك، فقال: اختلفوا فيه، فقدره بعضهم بستين ذراعا، وبعضهم قال: إن كانت أربعين ذراعا فهي كبيرة وإلا فصغيرة، هذا هو المختار. اهـ"

 (كتاب الصلاة,باب الإمامة1/ 585ط :سعيد)

وفيها أيضا:

"(قوله: و مسجد صغير) هو أقل من ستين ذراعًا، وقيل: من أربعين، وهو المختار، كما أشار إليه في الجواهر، قهستاني."

(‌‌كتاب الصلاةباب ما يفسد الصلاة وما يكره فيها1/ 634ط:سعيد)

فتاوی محمودیہ میں ہے :

ؐ’’جو مسجد چالیس گز (شرعی)   لمبی اور اتنی ہی چوڑی ہو  وہ مسجد کبیر ہے جو اس سے چھوٹی ہو وہ مسجدِ صغیر ہے۔‘‘

(14/385۔ط:جامعہ فاروقیہ کراچی )

جواہر الفقہ میں ہے :

’’یہ ذراع انگریزی گز سے نصف یعنی ڈیڑھ فٹ یا 18 انچ ہوتا ہے۔‘‘

(ج:3 ،ص:421 ،ط:مکتبہ دار العلوم کراچی )

فقط واللہ اعلم