مسیحی لوگوں کا جسم ناپا ک ہوتا ہے کیا؟
واضح رہے کہ کسی بھی انسان کا جسم خواہ وہ مشرک ہو، یہودی یا نصرانی وغیرہ ہو اگر اس کے جسم پر کوئی ظاہری نجاست نہیں ہے تو اس کا جسم پاک ہے، لہذا فی نفسہ مسیحی لوگوں کا جسم بھی پاک ہے۔ نیز قرآن مجید میں جو مشرکین کو نجس فرما گیا ہے وہ اعتقادی اعتبار سے کہا گیا ہے۔
فتاوی شامی میں ہے:
"(فسؤر آدمي مطلقا) ولو جنبا أو كافرا أو امرأة، ۔۔۔۔۔ (طاهر) طهور بلا كراهة.
(قوله أو كافرا) ؛ لأنه - عليه الصلاة والسلام - أنزل بعض المشركين في المسجد على ما في الصحيحين، فالمراد بقوله تعالى {إنما المشركون نجس} [التوبة: ٢٨] النجاسة في اعتقادهم بحر".
(كتاب الطهارة، فصل فى البئر، ج:1، ص:221، 222، ط:سعيد)
فقط واللہ اعلم
فتوی نمبر : 144507101430
دارالافتاء : جامعہ علوم اسلامیہ علامہ محمد یوسف بنوری ٹاؤن