سوال

اگر ایک شخص امام کےساتھ دوسری رکعت میں شامل ہوجائے، امام کے سلام پھیرنے کے بعد وہ شخص قیام میں سورۃ فاتحہ سے پہلے ثنا پڑھے گا؟

جواب

اگر متعدد رکعات یا ایک رکعت چھوٹ جائے  یعنی کوئی شخص مسبوق ہو تو امام کے سلام پھیرنے کے بعد مسبوق سلام پھیرے  بغیر کھڑا ہوجائے اور سب سے پہلے ثناء پڑھے پھر اعوذ باللہ اور بسم اللہ پڑھنے کے بعد سورہ فاتحہ اور دوسری سورت پڑھ کر رکوع وسجدہ کرے اور قعدہ میں بیٹھ کر التحیات، درود شریف اور دعا پڑھ کر سلام پھیر دے۔

فتاوی ہندیہ میں ہے:

"فإذا قام إلى قضاء ما سبق يأتي بالثناء ويتعوذ للقراءة، كذا في فتاوى قاضي خان والخلاصة والظهيرية."

(الباب الخامس فی الامامۃ، الفصل السابع فی المسبوق واللاحق، ج:1، ص:92، ط:رشیدیہ)

فقط واللہ اعلم