سوال

والد کے انتقال کے بعد دادا نے والد  کی پراپرٹی ہم دو بھائی اور والدہ کے نام کر دی تھی،تو اب کیا اس پراپرٹی میں بہنوں کا حصہ بھی ہوگا؟

جواب

صورتِ  مسئولہ میں والد کے انتقال کے بعد والد کی پراپرٹی پر والد کے تمام ورثاء (بیوہ،بیٹے اور بیٹیوں) کا حق ثابت ہوگیا تھا، لہذابیٹوں اور بیوہ کے ساتھ بیٹیوں کا بھی  حصہ ہوگا، دادا کے اس جائیداد کو صرف مرحوم کی بیوی اور بیٹوں کے نام پر ٹرانسفر کرنے سے اس جائیداد میں سے مرحوم کی بیٹیوں کا حق ساقط نہیں ہوگا۔ ہاں اگر دادا اپنی ذاتی مملوکہ پراپرٹی آپ لوگوں کے نام کرنے کے ساتھ مالکانہ قبضہ و تصرف بھی دے دیتے تو آپ ہی اس کے مالک متصور ہوتے۔  فقط واللہ اعلم