سوال

اگر کوئی مرد اپنی شرم گاہ کے بال صابن یا کریم کے ذریعے صاف کرے تو اس کا کیا حکم ہے جواب عنایت فرمائیں، بڑی مہربانی ہوگی؟

جواب

واضح رہے کہ مرد کے لیے  شرم گاہ کے بال صاف کرنے میں استرے کا استعمال مستحب ہے ،لیکن اگر کوئی شخص کِریم یا صابن یا کیمیکل وغیرہ کا استعمال کرتا ہے تو یہ بھی جائز ہے ۔

فتاوی شامی میں ہے :

"(قوله ويستحب حلق عانته) قال في الهندية ويبتدئ من ‌تحت ‌السرة ولو عالج بالنورة يجوز كذا في الغرائب وفي الأشباه والسنة في عانة المرأة النتف۔"

(کتاب الحظر والاباحۃ،فصل فی البیع،ج:۶،ص؛۴۰۶،دارالفکر)

فقط واللہ اعلم