بِسْمِ اللَّهِ الرَّحْمَنِ الرَّحِيم

18 رمضان 1445ھ 29 مارچ 2024 ء

دارالافتاء

 

مرد کے لیے سونے کا استعمال


سوال

مرد اپنے گلے میں سونے کی چین پہن سکتا ہے؟   کیا سونا پہننا مردوں کے لیے جائز ہے؟  اور اگر پہننا جائز نہ ہو تو اس کی سزا کیا ہے مرنے کے بعد؟

جواب

1۔واضح  رہے  کہ  مرد  کے  لیے  سونا  پہننا    (چاہےچین  کی  شکل  میں  ہو  یا  کسی  اور  طرح)  کسی  حال  میں  جائز  نہیں  ہے۔

 رسول اللہ ﷺ  ایک دن اس حال میں باہر تشریف لائے کہ آپ ﷺ کے ایک دستِ مبارک میں ریشم اور  دوسرے میں سونا تھا،   آپ ﷺ نے فرمایا:یہ دونوں چیزیں میری امت کے مردوں پر حرام ہیں، اور میری امت کی عورتوں کے لیے حلال ہیں۔

"عن ‌أبي أفلح الهمداني ، عن ‌عبد الله بن زرير يعني: الغافقي أنه سمع ‌علي بن أبي طالب يقول: «إن نبي الله صلى الله عليه وسلم أخذ حريرا، فجعله في يمينه، وأخذ ذهبا فجعله في شماله، ثم قال: إن هذين حرام على ذكور أمتي."

(سنن أبي داود، ج:4، ص:50، رقم: 4057، ط:دار الفکر)

2۔اگر  کوئی  مرد  اس  حرام  کام  (سونے  کا  استعمال)  کا  ارتکاب  کرتا  رہے  اور  اسی  حال  میں  اس  کا  انتقال  ہوجائے  کہ  وہ  سونے  کا  استعمال  کرتا  ہو  تو  ایسے  شخص  کی  سزا  سے  متعلق  حدیث  پاک  میں  آیا  ہے     کہ  ایسا  شخص  پر  اللہ  رب  العزت  جنت  کے  سونے  کو  حرام  کردیتے  ہیں  (یعنی  وہ  جنت  کا  سونا  نہیں  پہن  سکے  گا)۔

"حدثنا يزيد بن هرون أخبرنا الجريري عن ميمون بن أستاذ عن الصدفي عن عبد الله بن عمرو، عن النبي - صلى الله عليه وسلم -، قال:. "من مات من أمتي وهو يشرب الخمر، حرم الله عليه شربها في الجنة، ومن مات من أمتي وهو يتحلى الذهب، حرم الله عليه لباسه في الجنة."

(مسند أحمد، من مسند بني هاشم، ج:6، ص:412، رقم:6948، ط: دار الحديث - القاهرة)

فتاوی  شامی  میں  ہے:

"(ولايتحلى) الرجل (بذهب وفضة) مطلقا سواء كان في حرب أو غيره". 

(کتاب  الحظر والإباحة، فصل في اللبس، ج:6، ص:359، ط:مصطفى البابي الحلبي)

وفیہ  ایضا:

"أن التختم بالفضة حلال للرجال بالحديث وبالذهب والحديد والصفر حرام عليهم بالحديث ۔۔۔ الخ"

(كتاب الحظر والإباحة، فصل في اللبس، ج:6، ص:36، ط:مصطفي الباجي الحلبي)

فقط  واللہ  اعلم


فتوی نمبر : 144411100402

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں