سوال

یحیی بن معاذ رحمہ اللہ فرماتے ہیں:  انسان کے تین دشمن ہیں: (1)دنیا ( لہٰذا دنیا سے زہد کرکے بچو )(2) شیطان ( شیطان سے اس کی مخالفت کر کے بچو )(3) اس کا نفس ( اور نفس سے خواہشات چھوڑنے کے ذریعے سے بچو )۔

کیا یہ قول یحیی بن معاذ رحمہ اللہ کا ہے؟ رہنمائی فرمائیں۔ 

جواب

مذکورہ مقولہ ، یحیی بن معاذ   رازی رحمہ اللہ کے مقولہ کے طور پر امام غزالي  رحمہ اللہ کے (المتوفى: 505ھ) کے ہاں ’’احیاء علوم الدین‘‘ میں نقل ہوا ہے، مقولہ کی عبارت ملاحظہ فرمائیے :  

"وقال يحيى بن معاذ الرازي ... وقال أيضا: أعداء الإنسان ثلاثة، دنياه، وشيطانه، ونفسه، فاحترس من الدنيا بالزهد فيها، ومن الشيطان بمخالفته، ومن النفس بترك الشهوات."

(إحياء علوم الدين، كتاب رياضة النفس وتهذيب الأخلاق ومعالجة أمراض القلب، (3/ 66)، ط/ دار المعرفة - بيروت)فقط واللہ اعلم