سوال

نکاح پڑھاتے ہوئے لڑکی کا نام نہ لیا جائے بلکہ بنت فلاں کہا جائے اور اس صورت میں لڑکی کی دوسری غیر منکوحہ کوئی بہن نہیں ہے،یعنی یوں کہا جائے کہ میں نے آپ کا نکاح بنت فلاں سے اتنے مہر کے عوض کیا،تو کیا اس طرح نکاح منعقد ہوجائے گا؟

جواب

 صورتِ مسئولہ میں جس لڑکی کا نکاح پڑھایا گیا  کہ فلاں (مثلًا زید)  کی بیٹی اور اس کی ایک ہی بیٹی غیر شادی شدہ ہے،اس سے تعیین ہوچکی لہذااس سے نکاح منعقد ہوجائےگا، نام لینے کی ضرورت نہیں ہے،اوراگر اس شخص کی ایک سے زائد بیٹیاں غیر شادی شدہ ہیں تو جہالت کی وجہ سے نکاح منعقد نہ ہوگا۔

فتاوی ہندیہ میں ہے:

"ولو قال: زوجت ابنتي منك ولم يزد على هذا وله بنت واحدة؛ جاز، كذا في المحيط."

(کتاب النکاح،الباب الثانی فیما ینعقد ومالا ینعقد الخ،270/1،ط:رشیدیہ)

فقط واللہ اعلم