سوال

میرے منگیتر کا کسی اور لڑکی سے افئیر (دوستی کا چکر) چل رہا ہے، میں نے کسی کو بھی نہیں بتایا ہے، میرا سوال یہ ہے کہ میرا اپنے گھر والوں کو اس بارے میں بتانا جائز ہے یا نہیں ؟

جواب

اگر واقعتًا  آپ  کے منگیتر کا کسی دوسری لڑکی سے دوستی کا چکر ہے تو  آپ کو  چاہیے کہ سب گھر والوں کو بتانے کے بجائے گھر کے بڑوں میں سے ایک دو افراد کو ان حالات سے باخبر کردیں، تاکہ وہ حالات کا جائزہ لے کر اس رشتہ کو باقی رکھنے یا ختم کرنے کے بارے میں بروقت مناسب فیصلہ کرسکیں، ایسا کرنے سے آپ کو پردہ دری کا گناہ بھی نہیں ملے گا؛ لہٰذا   آپ کے  لیے اپنے گھر کے بڑوں کو اس بارے میں باخبر کرنا جائز، بلکہ بہتر ہے۔فقط واللہ اعلم