سوال

 کیا من اور سلوٰی جنت سے نازل شدہ کھانا تھا یا پھر اللہ تعالیٰ نے یہ دونوں چیزیں زمین سے ہی پیدا کی ہیں؟

جواب

"من "  ایک شیریں  چیز تھی، دھنیے  کے سے دانے ترنجبین کے مشابہ رات کو اوس  میں  برستی،صبح کو ہر شخص اپنی ضرورت کے موافق چن لیتا اور "سلوی"  ایک پرندے  کا نام ہے جس کو بٹیر کہتے ہیں یا اور کوئی پرندہ  ہے جو مشابہ بٹیر کے ہوتا ہے ، شام کو لشکر کے گرد ہزاروں جانور جمع ہوجاتے اندھیرا ہونے کے بعد پکڑ لاتے اور کباب بنا کر کھاتے ۔(ماخوذ  از معارف القرآن  مولانا ادریس کاندھیلوی)۔احادیث اور آثار میں اس بات کی صراحت نہیں ہے کہ یہ "من و سلوی" جنت سے نازل شدہ تھے یا معمول کے مطابق زمینی مخلوق ہی تھے ؛  اس  لیے  اس میں توقف  ہی بہتر ہے۔

تفسير القرطبي  میں ہے:

"اختلف في المن ما هو وتعيينه على أقوال فقيل الترنجبين «٣» - بتشديد الراء وتسكين النون ذكره النحاس ويقال الطرنجبين بالطاء وعلى هذا أكثر المفسرين وقيل: ... قال ابن عطية: السلوى طير بإجماع المفسرين."

(سورہ بقرہ آیت نمبر ۵۷ ج نمبر ۱ ص نمبر ۴۰۶،دار الکتب المصریہ)

فقط واللہ اعلم