ہندؤوں کے "دیوالی تہوار" میں ایک رات آتی ہے جس کو "کالی چودس" کہا جاتا ہے، ہندؤوں کا ماننا ہے کہ اس رات میں بلائیں نازل ہوتی ہیں؛ اس لیے رات کو دیے جلا کر پوجا کی جاتی ہے، لیکن کچھ مسلمان یہ مان کر کہ اس رات بلائیں نازل ہوتی ہیں اور سحر کا اثر جلدی ہوتا ہے؛ اس لیے بلاؤوں سے بچنے کے لیے سورۂ بقرہ پڑھ کر پانی میں دم کر کے گھروں کی دیواروں پر چھڑکتے ہیں، اس طرح سورۂ بقرہ پڑھنا ثابت ہے؟
کسی رات میں بلاؤں کے نازل ہونے اور سحر کے جلد اثر انداز ہونے کا عقیدہ رکھنا توہم پرستی ہے، لہذا مذکورہ رات میں ہندؤوں کی دیکھا دیکھی مسلمانوں کا سورۂ بقرہ پڑھ کر پانی میں دم کرکے گھر کی دیواروں پر چھڑکنا جائز نہیں ہے، اس سے اجتناب کرنا لازم ہے۔ فقط واللہ اعلم
فتوی نمبر : 144203201432
دارالافتاء : جامعہ علوم اسلامیہ علامہ محمد یوسف بنوری ٹاؤن