سوال

جواب

1)صورتِ  مسئولہ میں  مذکورہ خواجہ سرا کا جملہ کہ "میں آپ کو وصیت کرتا ہوں کہ میرے انتقال کے بعد آپ میری دو جائیدادیں  مدرسہ یا مسجد کو دے دیں "وصیت ہے ،اور وصیت کا ضابطہ یہ ہے کہ کل مال کے ایک تہائی تک نافذ ہوتی ہے،اس سے زائد پر وصیت نافذ نہیں ہوتی ہے ،الا یہ کہ تمام ورثاء عاقل بالغ  وصیت کے مطابق عمل کرنے پر راضی ہوں ،لہذا  اگر مذکورہ دو جائیدادیں مرحوم کے کل مال کے ایک تہائی حصہ کے برابر یا  اس سے کم ہیں  تو دونوں جائیدادوں کو وصیت کے مطابق مسجد و مدرسہ کے لیے وقف کرنا  وصی (سائلہ) پر لازم ہے ،اور اگر  ایک تہائی سے زائد ہیں تو ایک تہائی کے بقدر وقف کرنا ضروری ہوگا اور بقیہ ورثاء میں تقسیم ہوگا۔

2)خواجہ سرا (کمیونٹی) چوں کہ مرحوم کے وارث نہیں ہیں ،اس لیے ان کا مرحوم کی جائیداد میں کوئی حق و حصہ نہیں ہے ،لہذا ان کا مطالبہ کرنا شرعًا درست نہیں ہے۔

3)مرحوم کا اپنے بہن بھائیوں کو یہ کہنا کہ" میرا حصہ تم آپس میں بانٹ لو ،مجھے کچھ نہیں چاہیے" ،اور  پھر ان کا آپس میں بانٹ لینا  اور مرحوم  خواجہ سرا کو  کچھ نہیں دینا اس کا شرعاً کوئی اعتبار نہیں ہے ،بلکہ مرحوم کا حق   اپنے والدین کی جائیداد میں باقی رہا ہے  جو    اب اس کی وفات کے بعد اس کے ورثاء  میں شرعی اعتبار سے تقسیم ہو گا ۔

الدر المختار میں ہے:

"(هي تمليك مضاف إلى ما بعد الموت) عينا كان أو دينا. قلت: يعني بطريق التبرع ليخرج نحو الإقرار بالدين فإنه نافذ من كل المال كما سيجيء ولا ينافيه وجوبها لحقه تعالى فتأمله۔"

(رد المحتار ،کتاب الوصایا،ج:6ص:648،ط:سعید)

فتاوی شامی میں ہے:

"امرأة وقفت منزلًا في مرضها ... و لا مال لها سوى المنزل جاز الوقف في الثلث و لم يجز في الثلثين، فيقسم الثلثان بين الورثة على قدر سهامهم."

(کتاب الوقف ،ج:4،ص:345،ط:سعید)

الدر المختار میں ہے:

"و يستحق الإرث برحم و نكاح و ولاء."

(رد المحتار،کتاب الفرائض،ج:6،ص:762،ط:سعید)

فتاویٰ تاتارخانیہ میں ہے:

"و في المنتقى: عن أبي يوسف رحمه الله في رجل أوصى إلى رجل وله أولاد كبار وكلهم حضور وليس على الميت دين ولم يوص بوصية أنه يجوز بيع الوصي في كل شيئ ما خلا العقار ... و إذا لم يكن على الميت دين و لكن الميت أوصى بوصايا فإن كانت الوصية في الثلث أو فيما دون الثلث أنفذها و إن كانت أكثر من ذلك أنفذ بمقدار الثلث وما بقي فهو للورثة."

(كتاب الوصايا، الفصل الحادي والثلاثون في الإيصاء، ج:20،ص: 62، ط:زکريا)

فتاوی عالمگیری میں ہے:

"وسئل أبو بكر الإسكاف - رحمه الله تعالى - عن امرأة أوصت أن يباع ضياعها ويصرف ثلث ثمنها على الفقراء ثم إنها ماتت وخلفت ورثة كبارا فأراد الوصي بيع جميع الضيعة وأبى الورثة إلا مقدار الوصية قال: إن كان الثلث يشترى بالوكس ويدخل على الورثة وعلى أهل الوصية الضرر فللوصي أن يبيع الكل وإلا فلا يبيع إلا بمقدار الوصية."

(کتاب الوصایا،الباب التاسع فی الوصی وما یملکہ،ج:6،ص:147،ط:رشیدیہ)

فقط واللہ اعلم