سوال

میں نے اپنی بیوی کو وائس (Voice) پر کہا "میں تمہیں طلاق دیتا ہوں" تین دفعہ کہا، بیوی کا کہنا ہے کہ میں نے اپنی کزن کو یہ وائس (Voice) سنائی، میں نے خود نہیں سنی، تو کیا شرعاً طلاق واقع ہوئی یا نہیں؟

جواب

صورت مسئولہ میں شرعاً تینوں طلاق واقع ہوچکی ہیں، نکاح ختم ہوچکا ہے، اب دونوں کا ایک ساتھ رہنا جائز نہیں،دوبارہ نکاح بھی نہیں ہو سکتا۔

فتاوی ہندیہ میں ہے:

"وإن کان الطلاق ثلاثًا في الحرة و ثنتین في الأمة لم تحل له حتی تنکح زوجًا غیره نکاحًا صحیحًا و یدخل بها ثم یطلقها أو یموت عنها"۔

(کتاب الطلاق: 1/ 473، ط: رشیدیة)

فقط واللہ اعلم