سوال

 ایک شخص اپنی بیٹی کا نکاح کرواچکا ہے،  البتہ رخصتی نہیں ہوئی ہے۔  اب وہ شخص کہتا ہے بیٹی کے سسرالیوں سے کہ اگر میں تمہیں اپنی بیٹی دوں گا تو اپنی بیوی دوں گا۔ اس جملے کا کیا حکم ہے؟کیا یہ قسم ہے؟اگر قسم ہے تو قسم کی کون سی قسم ہے؟ اور اس جملے سے بظاہر اس کا مقصد اپنی ناراضی کا اظہار کرنا اور بیٹی کی رخصتی نہ کرنا تھا۔

جواب

صورتِ  مسئولہ میں مذکورہ الفاظ قسم کے نہیں ہیں، محض بیٹی کی رخصتی نہ کرنے کے عزم کا اظہار ہے۔ البتہ اس طرح کے الفاظ کا استعمال مناسب نہیں اور  جذبات میں ایسی بات بولنے سے احتراز کرنا چاہیے،  جس سے میاں بیوی کی زندگی خراب ہونے کا اندیشہ ہو۔ بہتر ہے کہ ایسے لوگ  علاقے کے صلحاء و علماء کی طرف رجوع کرکے اپنا مسئلہ حل کریں۔ 

الدر المختار وحاشية ابن عابدين (رد المحتار) (3 / 704):

" و ركنها اللفظ المستعمل فيها."

فقط واللہ اعلم