سوال

میری اپنی  بیوی سے لڑائی ہوئی، غصہ میں بیوی نے مجھ سے کہا کہ آپ کیا چاہتے ہو؟ میں نے دو دفعہ کہا کہ" طلاق، طلاق" بیوی بھی اس بات کا اقرار کررہی ہے، اب پوچھنا یہ ہے کہ میری بیوی کو کتنی طلاقیں ہوئی ہیں؟

وضاحت :لڑائی کے دوران میری بیوی نے جب مجھ سے غصہ میں پوچھا:تم کیا چاہتے ہو؟تو میں نےاْس کے جواب میں کہا:”طلاق،طلاق“،یعنی میرے کہنے کا مطلب تھا ”میں طلاق چاہتا ہوں،میں طلاق چاہتا ہوں“،جبکہ میری اس جملہ سے بیوی کو اْسی وقت طلاق دینے کی نیت تھی اور نہ میں نے اْسی وقت بیوی کو  کوئی طلاق دی،اور اس واقعہ سے پہلے بھی میں نے بیوی کو کوئی طلاق نہیں دی۔

جواب

صورت مسئولہ میں سائل نے جب  اپنی بیوی کے سوال”  آپ کیا چاہتے ہو؟“کے جواب میں ”طلاق،طلاق“یعنی میں طلاق چاہتا ہوں،میں طلاق چاہتا ہوں کہا ،تو اس سے سائل کی بیوی پرشرعاً کوئی طلاق  واقع نہیں ہوئی،سابقہ نکاح  بدستور قائم ہے۔

فتاوی شامی میں ہے:

"ويستفاد منه أنه لو قال شئت طلاقك وقع بالنية لأن المشيئة تنبئ عن الوجود لأنها من الشيء وهو الموجود،بخلاف أردت طلاقك لأنه لا ينبئ عن الوجود، فقد فرق الفقهاء بين المشيئة والإرادة في صفات العبد وإن كانا مترادفين في صفاته تعالى كما هو اللغة فيهما"

(کتاب الطلاق،باب الامر بالید،فصل فی المشیئۃ،ج۳،ص۳۳۵،ط:سعید)

فقط واللہ اعلم