میں اپنی بیوی سے جھگڑا کر رہا تھا تو میں نے کہہ دیا کہ " میں تم کو طلاق دے دوں گا "۔کیا یہ طلاق ہوگئی ہے؟
صورتِ مسئولہ میں اگر واقعۃ سائل نے اپنی بیوی کو یہی الفاظ کہے ہیں کہ "میں تم کو طلاق دے دوں گا "۔اس کے علاوہ کوئی اور الفاظ نہیں کہے ہیں، تو ایسی صورت میں مذکورہ الفاظ آئندہ مستقبل میں طلاق دینے کی دھمکی کے ہیں اور شرعاً دھمکی کے ان الفاظ سے کوئی طلاق واقع نہیں ہوتی ہے ،لہذا سائل کا نکاح بدستور قائم اور برقرار ہے۔ البتہ آئندہ یہ لفظ استعمال کرنے سے سخت احتیاط کی جائے۔
العقود الدریۃ فی تنقیح الفتاوی الحامدیہ میں ہے:
"صيغة المضارع لا يقع بها الطلاق إلا إذا غلب في الحال كما صرح به الكمال بن الهمام."
(كتاب الطلاق ج:1 ،ص:38،ط:دار المعرفة)
فقط والله اعلم
فتوی نمبر : 144409101232
دارالافتاء : جامعہ علوم اسلامیہ علامہ محمد یوسف بنوری ٹاؤن