سوال

مجھے حیض آیا اور میں نے پانچویں دن غسل کرلیا اور روزہ رکھ لیا، کیوں کہ مجھے  چوتھے دن دوپہر کے بعد سے کچھ نہیں آیا تھا، لیکن ابھی کچھ دیر پہلے بالکل تھوڑا سا خون ملا سفید پانی آیا، جس کا رنگ نہ ہی خون کا تھا اور نہ ہی سفید ، سوال یہ ہے کہ کیا مجھے دوبارہ غسل کرکے پاک ہونا ہو گا یا وہ غسل کافی تھا، نیز مجھے پانی کی بھی شکایت رہتی ہے!

جواب

صورتِ  مسئولہ میں اگر ایسا دس دن مکمل ہونے سے پہلے ہوا ہے اور دس دن کے اندر خون بند ہوگیا تو  آپ کو دوبارہ غسل کرکے پاک ہونا ہوگا، اور اس دوران  جو روزے  رکھے ان کی قضا لازم ہوگی۔ البتہ اگر ایسا دس دن مکمل ہونے کے بعد ہوا ہو تو  آپ کا پہلا غسل کافی ہوگا، دوبارہ پاک ہونے کی ضرورت نہیں۔ فقط واللہ اعلم