سوال

مہد،زید،افنان،  سدیس کے معنی بتا دیں!

جواب

1: "مَهْد " کے معنی  ہیں : بچہ کا گہوارہ  ( بچوں کا جھولا) ،  نرم وہم وار زمین ج : مھود۔ 

 (القاموس الوحید، المادّہ: مہد، ص:1588، ط:ادارۃ الاسلامیات)

بچے کا نام مہد رکھنا جائز ہے۔

2:"زَید" کا معنی ہے: زائد۔

    (القاموس الوحید، المادّہ:زید، ص: 730، ط:ادارۃ الاسلامیات)

زید متعدد صحابہ کرام رضوان اللہ علیہم اجمعین کا نام ہے، لہذا بچے کا نام زید رکھنا نہ صرف افضل ہے،  بلکہ متعدد صحابی رسول ﷺ  کا نام ہونے کی وجہ سے باعثِ برکت بھی ہے۔

3: "اَفنَان" فَنَن کی جمع ہے، جس کے اردو میں معنی : درخت کی سیدھی شاخ۔  (القاموس الوحید، المادّہ:فن، ص: 1257، ط:ادارۃ الاسلامیات)

بچے کا نام افنان رکھنا جائز ہے۔

4: "سُدَيْس" کا معنیٰ ہے: کسی چیز کا چھٹا حصہ،  نیز   سُدَيْس ایک صحابی کا نام بھی ہے، لہذا بچے کا نام سدیس رکھنا جائز ہے۔ فقط واللہ اعلم