میرا سوال یہ ہے کہ ایک بزرگ فرماتے ہیں کہ مغرب کی نماز کے بعد 2 سنت اور 2 نفل تو سب پڑھتے ہیں اگر ان کے ساتھ 2 نفل ملادئیے جائیں تو وہ اوابین کی نماز ہوجائے گی کیونکہ مغرب کی دوسنت اوابین میں شامل ہیں ۔آپ میری اصلاح فرمادیجئے کیونکہ میں نے اس طرح نماز پڑھنا شروع کردی ہے ؟
صورت مسئولہ میں مغرب کی تین رکعات فرض، پڑھنے کے بعد 6 رکعت جو نوافل کے پڑھے جاتے ہیں، عرفِ عام میں اوابین کے نام سے مشہور ہیں۔افضل یہ ہے کہ یہ 6 رکعات ان دوسنتوں سے ہٹ کر ہیں جو مغرب کی پڑھی جاتی ہیں۔ 2 رکعت سنت کے ساتھ 4 رکعت ملانے سے بھی کسی حد تک اوابین کا اجرحاصل ہو جائے گا۔
فتوی نمبر : 143101200053
دارالافتاء : جامعہ علوم اسلامیہ علامہ محمد یوسف بنوری ٹاؤن