بچی کا نام "مفاذ" رکھنا کیسا ہے؟ قرآن مجید میں بھی یہ نام آیا ہوا ہے۔
قرآنِ کریم میں "مفاذ" کا لفظ موجود نہیں، اور عربی میں ذال کے ساتھ یہ استعمال نہیں ہوتا، البتہ "مفاز" کا لفظ (زاء کے ساتھ) تیسویں پارہ میں موجود ہے، جس کا معنی ہے :"کامیابی ملنا" یا "کامیابی کی منزل و مقام"۔
"مفاز" نام رکھنا اگرچہ جائز ہے، لیکن اس کی بجائے بچی کے لیے صحابیات رضی اللہ عنہن کے ناموں میں سے کسی نام کا انتخاب کرنا بہتر ہے، نیز ہماری ویب سائٹ اور ایپلی کیشن میں "اسلامی ناموں" کےعنوان سے ایک آپشن موجود ہے، اس میں سے بھی آپ نام کا انتخاب کرسکتے ہیں۔
الجدول في إعراب القرآن - (30 / 222):
"مفازًا: مصدر ميميّ من الثلاثيّ فاز، وزنه مفعل بفتح الميم والعين ففيه إعلال بالقلب، أصله مفوز تحرّكت الواو بعد فتح قلبت ألفا ... ويجوز أن يكون اسم مكان."
فقط واللہ اعلم
فتوی نمبر : 144203201351
دارالافتاء : جامعہ علوم اسلامیہ علامہ محمد یوسف بنوری ٹاؤن