مدرسہ کے استاد یا ملازم کو ایڈوانس تنخواہ دینا جائز ہے یا نہیں ؟
صورتِ مسئولہ میں مدرسہ کی رقم موقوفہ رقم ہے، جس کو مدرسہ کے مصالح وضروریات میں صرف کرنا منتظمینِ مدرسہ کو اختیار ہے، لہذا اگر وسائل موجود ہیں تو منتظمینِ مدرسہ کے لیے اپنی صوابدید پر استاد یا ملازم کو بطورِ پیشگی تنخواہ رقم دینے کی اجازت نہیں ہوگی، البتہ قرض دینے کی اجازت ہوگی بشرطیکہ وصولی کا انتظام ہو یا ماہانہ تنخواہ میں سے خاص مقدار کٹوتی کرنے کا معاہدہ ہو۔
البحر الرائق شرح كنز الدقائق میں ہے:
"قال في جامع الفصولين ليس للمتولي إيداع مال الوقف والمسجد إلا ممن في عياله ولا إقراضه فلو أقرضه ضمن وكذا المستقرض وذكر أن القيم لو أقرض مال المسجد ليأخذه عند الحاجة وهو أحرز من إمساكه فلا بأس به وفي العدة يسع المتولي إقراض ما فضل من غلة الوقف لو أحرز. اهـ".
(کتاب الوقف، تصرفات الناظر في الوقف، ج:5، ص:259، ط:دارالکتاب الاسلامی)
فقط واللہ اعلم
فتوی نمبر : 144311101192
دارالافتاء : جامعہ علوم اسلامیہ علامہ محمد یوسف بنوری ٹاؤن
