سوال

ماہ گل یا مینا گل کا  کیا مطلب ہے؟ نیز یہ نام رکھنا کیسا ہے؟ خدیجہ آمنہ وغیرہ اگرچہ پسندیدہ اور افضل ہیں ،مگر کیا کیا جائے ؟گھر میں پہلے ہی یہ نام والی بچیاں اور خواتین موجود ہیں۔

جواب

ماہ گل یہ نام دو لفظ ماہ اور گل سے مل کر بنا ہے ،ماہ چاند اور مہینے کے معنی میں آتاہے ،اور گل کے معنی پھول کے ہیں ،تو ماہ گل کا معنی ہوگاچاند کاپھول۔(فیروز اللغات ص:610، 575، ط:فیروز سنز)

اور اسی طرح مینا گل یہ بھی دو لفظ مینا اور گل سے مل کر بنا ہے ،مینا کا معنی ہے بہشت اور گل پھول کو کہتے ہیں ،تو مینا گل کا معنی ہوگا بہشت کا پھول۔(فیروز اللغات ص:719، 575، ط:فیروز سنز)

مذکورہ معنی کے اعتبار سے یہ نام رکھنا درست ہے ،البتہ بہتر یہ ہے کہ اپنی بچی کا نام  صحابیات رضی اللہ عنہن، تابعات، نیک خواتین کے نام پر رکھا جائے۔

نیز ذیل میں جامعہ کی  ویب سائٹ کا لنک ہے ،اس پر کلک کر کے بچیوں کے نام دیکھ کر رکھے جاسکتے ہیں ۔

اسلامی نام