سوال

میں ایک کمپنی میں ملازمت کرتا ہوں، کمپنی والوں نے میری لائف انشورنس کی ہے، پیسے میری تنخواہ سے بھی نہیں کٹ رہے، بلکہ کمپنی خود پیمنٹ کرتی ہے، ایسے میں میرا سوال ہے کہ لائف انشورنس کی شرعی حیثیت کیا ہے اور کیا یہ جائز ہے؟

جواب

اگر مذکورہ انشورنس پالیسی لینے میں آپ کی اجازت حاصل نہ ہو،بلکہ کمپنی یا ادارہ اپنی جانب سے ملازم کے لیے پیسے جمع کروائے اور  پھر ملازم کو موت یا ریٹائرمنٹ کی صورت میں اپنی جانب سے جمع کرائے گئے پیسوں سے زائد رقم دے تو ملازم کے لیے اس رقم کا حصول درست ہے۔اس لیے کہ  اس میں ملازم کا عمل دخل نہیں ہے اور یہ ملازم کے لیے عطیہ کی طرح ہے، اس کا لینا ملازم کے لیے جائز ہے۔ فقط واللہ اعلم