ليمن گراس كا حكم كيا هے؟ كيا اس كو استعمال كرسكتے ہیں؟
واضح رہےکہ نباتات وغيره ميں اصل اباحت ہے ،یعنی اس کوکھانے پینے میں استعمال کرنا جائز ہے بشرطیکہ وہ مضر نہ ہو ،لہذا صورتِ مسئولہ میں لیمن گراس بھی حلال اور مباح ہے اور اس کو استعمال کرنا جائز ہے،باقی یہ استعمال کرنے والے کی طبیعت کے موافق ہے یا نہیں، اس بارے میں کسی ماہر طبیب سے مشورہ کرلیا جائے۔
فتاوی شامی میں ہے:
"أقول: وصرح في التحرير بأن المختار أن الأصل الإباحة عند الجمهور من الحنفية و الشافعية اهـ و تبعه تلميذه العلامة قاسم، وجرى عليه في الهداية من فصل الحداد، وفي الخانية من أوائل الحظر والإباحة."
(سنن الوضوء، کتاب الطهارۃ، ص/105، ج/1، ط/سعید)
مجلۃ الاحکام العدلیہ میں ہے:
"المادة (1254) يجوز لكل أحد الانتفاع بالمباح، لكنه مشروط بعدم الإضرار بالعامة."
(الباب الرابع في بیان شرکة الإباحة، ص/241، ط/نور محمد)
فقط واللہ اعلم
فتوی نمبر : 144304100084
دارالافتاء : جامعہ علوم اسلامیہ علامہ محمد یوسف بنوری ٹاؤن