سوال

میں اپنی بیٹی کانام رکھناچاہتاہوں،لیکن کون سانام رکھ سکتےہیں اورکون سانہیں،اس معاملہ میں الجھن کاشکار ہوں،براہِ کرم راہ نمائی فرمادیں کہ مندرجہ ذیل ناموں میں سےکون سےنام رکھےجاسکتےہیں؟

1۔زمال۔

2۔ایزل۔

3۔آئرہ/عائرہ۔

4۔زیوا۔

5۔میرب۔

جواب

واضح رہےکہ اولاد کے حقوق میں سے  ایک بنیادی اور اہم حق یہ ہے کہ والدین ان کا اچھا نام منتخب کریں، کیوں کہ قیامت کے دن لوگوں کو ان کے  نام اور ولدیت کے ساتھ پکارا جائے گا، لہٰذا یا تو اچھے معنٰی والا عربی نام یا انبیاء کرام علیہم السلام اور صحابہ وازواج ِ مطہرات یاصحابیات رضوان اللہ علیہم کے ناموں میں سے کوئی نام رکھنا چاہیے۔

مذکورہ ناموں میں سے "زمال"  (زاءکےزیراورمیم کےزبرکےساتھ )کا معنی "لنگڑا کر چلنا"ہے، اس اعتبار سے یہ نام رکھنا  مناسب نہیں ہے۔

"تاج العروس"میں ہے:

"زَمَلَ يَزْمِلُ ويَزْمُلُ مِن حَدَّيْ ضَرَبَ ونَصَرَ زِمالاً بالكسرِ : عَدَا وأَسْرَعَ مُعْتَمِداً في أَحَدِ شِقَّيْهِ رَافِعاً جَنْبَهُ الآخَرَ وكَأَنَّهُ يَعْتَمِدُ عَلى رِجْلٍ واحِدةٍ وليسَ له بذلك تَمَكُّنُ المُعْتَمِدِ عَلى رِجْلَيْهِ جَمِيعاً . والزِّمالُ ككِتَابٍ : ظَلْعٌ في الْبَعِيرِ يُصِيبُهُ". 

(ز م ل، 135/29، ط: دار إحياء التراث)

2۔اِیزِل (الف اور زاء کے  نیچے زیر کے ساتھ)  اس لکڑی کو  کہتے ہیں جو تصویر سازی میں استعمال ہوتی ہے، معنی کے لحاظ سے یہ نام مناسب نہیں ہے۔ 

3۔ "آئرہ " کا معنی کافی تتبع اور تلاش کے باوجود بھی نہیں مل سکا،اور  اگر مذکورہ نام "عائرہ"(عین کےساتھ )ہو تو"عائرہ"  عربی زبان کا لفظ ہے، جس کے متعدد معانی ملتے ہیں،جیسے  حیران و پریشان، بھینگی وغیرہ،  لیکن ان میں سے کوئی معنی بھی نام رکھنے کے اعتبار سے مناسب نہیں ہے، لہذا یہ نام رکھنا درست نہیں۔

تاج العروس میں ہے: