سوال

 میرے ایک جاننے والے کے گھر بچی پیدا ہوئی نام رکھنا مطلوب ہے۔ برائے مہربانی نام تجویز فرمائیں تاریخ پیدائش 18جولائی 2022 وقت 6 بج کر 30منٹ،  والد کا نام  ۔۔۔ والدہ کانام  ۔۔۔ ہے۔

جواب

واضح رہے کہ اولاد کے حقوق میں سے  ایک بنیادی اور اہم حق یہ ہے کہ والدین ان کا اچھا نام منتخب کریں، کیوں کہ قیامت کے دن لوگوں کو نام اور ولدیت کے ساتھ پکارا جائے گا، لہٰذا لڑکی کا نام ایسا رکھیں جس کا معنی بھی اچھا ہو اور عربی نام ہو  یا صحابیات رضی اللہ عنہن کے ناموں سے میں سے کائی نام رکھ لیں۔نیز ہماری ویب سائٹ پر حروف تہجی کے اعتبار سے ناموں کی فہرست موجود ہے وہاں سے دیکھ کر بھی رکھ سکتے ہیں۔باقی کسی کا بھی نام رکھنے میں شریعت مطہرہ نے تاریخ پیدائش اور وقت کو معیا ر  نہیں بنایا، بلکہ اصل مقصد یہ ہے کہ نام بامعنی ہو مہمل(غیر معنی) نام نہ ہو۔

لڑکی کا نام رکھنے کے لیے صحابیات ؓ کے چند  نام:

 اُمامه . اَرویٰ .آمِنَه . بُریَده . بَریرَه . تَیما . ثُوَبِیه . جُمانه. جُوَیریه . حَمامه . حَرمَله . حَمنَه . حواء . حسّانه . خالده . خَنساء . خَولَه . دُرّه . ذُرّه . رُبَـیِّع (ربیع). رَمله . رُفَیده. رُقُیقه. رُمَیثه . رُمَیصاء . رَوضه . رابطه . زِِنّیره . زُنَیره. سائِبه . ساره .  سِدره . سَدوس . سُدَیسه . سُعاد . سلامه . سُمَیره . سُمَیکه . سَفّانه . شَیماء . شُمَیله . عاتِکه. عَمره . عَفراء .  عُماره . عَمّاره . غَزوه . فَارعه . فُرَیعَه . قَیله . لُبابه . ماریه . ماویه . نائله . نَفیسه . هند . یُسَیرَه۔

فتاوی ہندیہ میں ہے:

"أحب الأسماء إلى الله تعالى عبد الله وعبد الرحمن لكن التسمية بغير هذه الأسماء في هذا الزمان أولى لأن العوام يصغرون هذه الأسماء للنداء والتسمية باسم يوجد في كتاب الله تعالى كالعلي والكبير والرشيد والبديع جائزة لأنه من الأسماء المشتركة ويراد في حق العباد غير ما يراد في حق الله تعالى كذا في السراجية.

وفي الفتاوى التسمية باسم لم يذكره الله تعالى في عباده ولا ذكره رسـول الله صلى الله عليه وسلم ولا استعمله المسلمون تكلموا فيه والأولى أن لا يفعل كذا في المحيط"

(کتاب الکراهیة ، الباب الثاني و العشرون فی تسمیة الاولاد وکناهم و العقیقة جلد ۵ ص: ۳۶۲ ط: دارالفکر)

فقط و اللہ اعلم