لڑکی کا ایسا نام عنایت فرمادیں جس میں برکت لانے کے معنی ہوں!
صحابہ کرام اور صحابیات رضی اللہ عنہم اجمعین کے ناموں پر نام رکھنا باعثِ برکت و فضیلت ہے اور ان سے محبت کی علامت بھی ہے۔ اس نیت سے نام رکھنے میں پھر ان ناموں کے معانی کو نہیں دیکھا جاتا، کیوں کہ ان ناموں کے معتبر، مستند اور مبارک ہونے کے لیے اتنا ہی کافی ہے کہ یہ ان حضرات کے نام ہیں جنہوں نے براہِ راست نبی کریم صلی اللہ علیہ و سلم کی با برکت صحبت اُٹھائی ہے۔
لہٰذا لڑکی کا نام کسی بھی صحابیہ کے نام پر رکھ لیں تو اس میں برکت ہوگی، ان شاء اللہ۔ آسانی کے لیے ذیل میں چند صحابیات رضی اللہ عنہن کے اسماء مبارکہ ذکر کیے جاتے ہیں:
اُمامَه | اَروىٰ | آمِنَه | بَرَكَه | بُرَيْدَه |
بَرِیرَه | تَیْما | ثُوَيبَه | جُمَانَه | جُوَیرِیَه |
حَمَامَه | حَرمَله | حَمنَه | حواء | حَسَّانَه |
خَالِده | خَنسَاء | خَوْلَه | دُرَّه | ذُرَّه |
رُبَیِّع | رَملَه | رُفَیدَه | رُقُیقَه | رُمَیثَه |
رُمَیصَاء | رَوضَه | رَابطه | زِِنِّیره | سائِبه |
سارَه | سِدرَه | سَدُوس | سُدَیسه | سُعاد |
سَلامَه | سُمَیرَه | سُمَیکَه | سَفَّانه | شَیمَاء |
شُمَیلَه | عاتِکَه | عَمرَه | عَفرَاء | عُمَارَه |
عَمَّارَه | غَزوَه | فَارِعَه | فُرَیعَه | قَیْلَه |
كَبشَه | لُبَابَه | مَارِیَه | مَيمُونَه | نَائِله |
نَفِیسَه | هِنْد | یُسَیرَه |
وہ صحابیات رضی اللہ عنہن جن کے نام ’’اُم‘‘ کے ساتھ شروع ہوتے ہیں:
أُم بَردَه | أُم ثَوبان | أُم حارِثه | أُم حَبِیْبَه | أُم حَرَام |
أُم حَکِیم | أُم دَحَاح | أُم الدَّرْدَاء | أُم رُومَان | أُم زُفر |
أُم سُلَیْم | أُم سُلَیْط | أُم شَرِِیک | أُم عَطِیَّه | أُم عَمَّاره |
أُم فَروَه | أُم كُلثُوم | أُم مِسطَح | أُم نِیار |
مذکورہ بالا ناموں کے علاوہ ہماری ویب سائٹ پر اسلامی ناموں کے سیکشن میں بھی لڑکے اور لڑکیوں کے نام تلاش کیے جاسکتے ہیں، لنک یہ ہے:
https://www.banuri.edu.pk/islamic-name
فقط واللہ اعلم
فتوی نمبر : 144212202063
دارالافتاء : جامعہ علوم اسلامیہ علامہ محمد یوسف بنوری ٹاؤن