عنائشہ نام رکھنا کیسا ہے ؟ ع پر زبر ہے کیا لڑکی کا نام عنائشہ احمد رکھ سکتے ہیں جب کہ والد کا نا م احمد نہیں ہے؟
کافی تلاش کے باوجود عنائشہ لفظ معتمدعربی کتب میں میں نہیں ملا،البتہ اس کا مادہ عین ،نون ،شین ہے ،جس کا معنی ہےموڑنا،غصہ دلانا،ا س معنی کے لحاظ سے مذکورہ نام رکھنا مناسب نہیں ہے،لہذاعنائشہ کی بجائے عائشہ رکھ لیں توزیادہ بہترہوگا۔
نيزلڑکی کے نام کے ساتھ باپ کانام لگانےکا مقصد چوں کہ تعارف اورشناخت ہوتی ہے،لہذاجب لڑکی کے والدکانام احمدنہیں ،تومذكوره نام لگانے كا مقصد (تعارف ،شناخت ) ہی نہیں رہا، لهذامذكوره لڑکی کے نام کے ساتھ احمدنہ لگاناہی بہترہے۔
لسان العرب میں ہے:
"عنشه عنشا: أغضبه. وعنيش وعنيش: اسمان."
(فصل العین المھملة،ج: 4، ص : 321 ،ط : دار صادر۔بیروت)
فقط والله أعلم
فتوی نمبر : 144404100739
دارالافتاء : جامعہ علوم اسلامیہ علامہ محمد یوسف بنوری ٹاؤن